• youreads puanı (10.00)
  1. meni candan usandırdı cefâdan yâr usanmaz mı
    felekler yandı âhımdan murâdım şem'i yanmaz mı

    kamu bîmârına cânân deva-yı derd eder ihsan
    niçün kılmaz bana derman beni bîmar sanmaz mı

    gâmım pinhan tutardım ben dedîler yâre kıl rûşen
    desem ol bî-vefâ bilmen inanır mı inanmaz mı

    şeb-i hicran yanar cânım döker kan çeşm-i giryânım
    uyadır halkı efgânım gara bahtım uyanmaz mı

    gûl-i ruhsârına karşu gözümden kanlu akar su
    habîbim fasl-ı güldür bu akar sular bulanmaz mı

    değildim ben sana mâil sen ettin aklımı zâil
    mene ta'n eyleyen gâfil seni görgeç utanmaz mı

    fizûlî rind-i şeydâdır hemîşe halka rüsvâdır
    sorun kim bu ne sevdâdır bu sevdâdan usanmaz mı